Dedicated to our dear Pakistan.

Suna hai jungle-on ka bhi koi dastoor hota hai

Suna hai "sher" ka bhi jab pait bhar jaye tou woh hamla nahi karta
darakhton ke ghani chaaoun main jaa kar late jaata hai

Suna hai yeh hawa ke taiz jhonkay jab darakhton ko hilatey hain

tou "maina" apnay ghar ko bhool kar "kawway" ke Anndon ko
apne parron se thaam leti hai

Suna hai ghonslay se jab koi bacha giray

tou sara jungle jaag jaata hai

Suna hai koi pull agar tootay ya toofan aajaye

kisi larkri ke takhtey par
"gulehri", "saanp", "cheeta" aur "bakri"
saath saath hotay hain

Suna hai jungle-on ka bhi koi dastoor hota hai

Khuda-e-Munsif-o-Akbar

meray is mulk main ab
jungleon hi ka koi qanoon naafiz kar de

P.S. Written by - Mr. Anwar Maqsood